Ding Dong Dollar, Glascow Song Guild, Broadside #3

_(Tune: She'll be coming round the Mountain / Ye canny shove yuir Granny aff a bus)

Chorus:
O ye canny spend a dollar when ye're deid,
O ye canny spend a dollar when ye're deid:
Singing Ding... Dong... Dollar; Everybody holler
Ye canny spend a dollar when ye're deid

O the Yanks have just drapt anchor in Dunoon
An they've had their civic welcome fae the toon;
As they cam up the measured mile
Bonnie Mary o Argyle
Was wearin spangled drawers ablow her goun.

And the publicans will a' be daein swell,
For it's juist the thing that's sure tae ring the bell,
O the dollars they will jingle,
They'll be no a lassie single,
Even though they maybe blaw us a' tae hell

But the Glesca Moderator disnae mind;
In fact, he thinks the Yanks are awfy kind,
For if it's Heaven that ye're goin'
It's a quicker way than rowin',
And there's sure tae be naebody left behind.

Final Chorus:
O ye canny spend a dollar when ye're deid
Sae tell Kennedy he's got tae keel the heid,
Singin Ding... Dong Dollar; Everybdy holler
Ye canny spend a dollar when ye're deid.